4 mil ka senior citizens nahatagan sa ilang pension sa Lungsod sa Liloan

CEBU, Philippines — Moabot ngadto sa 4,000 ka mga senior citizen sa Lungsod sa Liloan ang nakadawat sa ilang pension gikan sa lungsod.

Giapod-apod ang pension sa mga senior niadtong Mayo 11 ug 12, 2021.

Segun sa post sa facebook page sa Liloan nga giumentohan ni Mayor Christina Frasco ang madawat nga benepisyo sa mga beneficiaries.

Samtang karong tuiga mao ang labing daghan usab nga beneficiaries nga miabot og kwatro mil ka mga seniors citizens nga nakadawat og tag P4, 000 matag usa.

Ang pag-apod-apod gihimo sa clustered barangays kon diin niadtong Mayo 11, ang mga senior sa Barangay Cabadiangan, Mulao, Cotcot, Lataban, San Vicente ug Sta. Cruz ang nakadawat.

Samtang niadtong May 12 sunod nga gihatagan ang mga seniors sa Barangay Yati, Calero, Tayud ug Barangay Catarman.

Si Congressman Duke Frasco uban ni Mayor Christina Frasco ang nang-apod apod pinaagi sa virtual kauban na usab sila si Vice Mayor Thelma Jordan ug mga konsehal sa lungsod.  —/MEL (BANAT NEWS)