Puya nakitang patay sa basurahan
Cebu, Philippines — Usa ka patay nga puya ang nakit-an sa basurahan sulod sa usa ka kan-anan nga nahimutang sa may Legazpi Street ning Dakbayan sa Sugbo.
Usa ka staff sa maong kan-anan ang giingong nanglimpyo sa pansayan ang nakakita ug dugo, hinungdan iyaha kining gisubay ug didto padulong sa basurahan.
Dihang gisusi ang basurahan, didto nakita ang gituohan nga bata nga gibana-bana nga pito ka buwan nga wala nay kinabuhi, hinungdan dali sila nakapangayo ug tabang sa Waterfront Police Station diin nahisakop ang maong kan-anan.
Ang imbestigador sa Waterfront Police Station padayon pa karon nga nihimo ug imbestigasyon lakip na ang pagsusi sa mga cctv camera nga makatabang kung kinsa ang nibiya sa maong bata sulod sa pansayan.
Ang bata nga fetus giingong giputos kini ug plastic nga dili kasarangan nga nabulit pa sa dugo. (BANAT NEWS)
- Latest