Gitaktak nga hepe sa kapolisan nitahan

CEBU, Philippines — Mitahan sa iyang kaugalingon ngadto sa Bogo Police Station ang kanhi opisyal sa kapolisan nga nataktak sa serbisyo human nigawas ang warrant of arrest batok kaniya niadtong adlaw nga Biyernes. Ang mitahan mao si kanhi Police Major Ildefonso Miranda, hepe sa Argao Police Station tungod sa arrest warrant sa kasong 2-counts of bribery gikan sa sala ni Judge Noel Darren Damian sa Regional Trial Court sa Branch 26 nga nagbase sa Lungsod sa Argao.

Si Miranda nakasohan human nga ang babayeng nag-atubang og kaso sa ilegal nga drugas giingong iyang gihimong kapuyo ug diha sila magpuyo sa buhatan niini.

Samtang laing babayeng duna sab susamang kaso nga gitanggong sab sa ilang karsel diha sa Argao Police Station ang gihimo niyang katabang hangtud nga naabot ang iyang gibuhat ngadto sa ilang mga labaw hinungdan sa pag-dismiss kaniya sa serbisyo ug gipasakaan og kasong kriminal.— IBM (BANATNEWS)