Kawasan Falls buksan na karong Mayo 1

CEBU, Philippines — Usa sa mga sikat nga tourist destination sa Southern Cebu gikatakda nga ablihan na sunod buwan, usa ka tuig human kini gisirad-an tungod sa pandemya sa COVID-19.

Ang Kawasan Falls sa Barangay Matutinao sa lungsod sa Badian, buksan na kini sa publiko karong Mayo 1, 2021.

Si Donald Villarin ang Municipal Tourism Officer nagkanayon nga nag andam na sila karon alang sa pagbukas sa maong waterfalls pinaagi sa pag siguro nga masunod ang safety ug health measures

"We have hand washing areas, thermal scanners, alcohol, social distancing markers. Reception is covered with transparent plastic cover" matud ni Villarin.

Ang mga staff gi-require usab kini pag sul-ob og face masks, face shields ug gloves lakip na air purifier.

Adunay gibutang nga signages didto sa area aron kanunay mapahinumdoman ang mga bisita nga mosunod sa health protocols. Gawas niana aduna sab UV lamps nga gibutang sa tourism center sa Kawasan.

Matod ni Villarin ang pagkaon ug accomodation wala gitugot bisa'g asa gawas sa designated areas.

Gibana bana nga 400 ka mga bisita ang dawaton didto sa Kawasan Falls matag adlaw aron nga masunod ang gi-require nga 50% carrying capacity.

Gawas sa sightseeing, gitugot na usab sa Probinsya sa Sugbo ang pag langoy sa waterfalls sa lalawigan subay sa executive order nga giluwatan sa gobernador. —MEL (BANATNEWS)