Sunog sa Lapu-Lapu nagbilin og danyos nga P100 K

CEBU, Philippines — Mokabat  sa P100,000  ang gibilin nga danyos sa nasunog nga storage room  sa usa ka construction company  nga gialarma sa kabomberohan Huwebes sa buntag.

Si Senior Fire Officer One Oiretuelet Baguio sa Lapu-Lapu City Fire District miingon nga lima nila ka mga fire truck ang dali nga nakatubag sa maong alarma nga maoy nagtinabangay sa pagpawong sa kayo.

Gitug-an ni Baguio nga gipanag-iya sa usa ka Venus Hermosilla ang stock room nga nasunog.

Alas 9:27 ilang gideklarar nga under control ang sunog ug hingpit nilang napawong ang kayo alas onse na ang takna sa buntag.

Matud pa ni Baguio nga mohimo pa sila og dugang imbestigasyon pagsuta sa hinungdan sa kalit nga pag-ulbo sa kalayo.

Hinuon walay gikataho nga naangol o kinabuhing nakalas sa maong insidente. —MEL (BANATNEWS)