Usa ka kompaniya motukod og water system sa Malapascua

CEBU, Philippines — Usa ka kompaniya ang nagplano nga magtukod og water system sa isla sa Malapascua sa lungsod sa Daanbantayan.

Sa facebook page sa lungsod gipakita ang mga personnel sa Abejo Waters Corp (AWC) ni-present kini ngadto nila ni Mayor Sun Shimura ug membro sa Sangguniang Bayan sa ilang proposal pagtukod og water system sa Malapascua.

Ang Abejo Waters motukod og water treatment facility nga dunay gibana-bana nga investment nga mokabat sa P77 milyones.

Sa maong proyekto ang tubig sa dagat moagi og ultra filtration aron ilahi ang 60% nga salt components gikan sa 40% spring water nga maoy i- apod-apod ngadto sa mga kabalayan.

Sa pagkakaron, ang tinubdan sa tubig sa Malapscua nag gikan sa underground hand-pump wells nga matod pa wala moagi sa treatment processing.

Laing tinubdan sa tubig sa mga residente mag gikan sa mainland sa Daanbantayan diin P30 ang bayad matag container. Sumala sa AWC nga ilang gisunod ang environmental regulations nga gi-set sa Environmental Management Bureau and Department of Environment and Natural Resources.

Wala hinoon gitug-an sa lungsod kun unsay aksyon sa lokal nga opisyal sa Daanbantayan kalabot sa maong proposal.

Ang Banat News nisuway og kuha sa reaksyon ni Mayor Sun Shimura apan wala pa makatubag ang Mayor sa pag sulat niining balita. —MEL (BANATNEWS)