Zafra: Kalihokan sa 500 YOC nahan-ay na
CEBU, Philippines — Nahan-ay na ang tanan alang sa pagpatuman sa master plan sa pag-secure nga
mapatumam ang health protocols sa physical activities sa “500 Years of Christianity In The Philippines”.
Kini ang gibutyag ni Konsehal Phillip Zafra, chairman sa committee on peace and order sa konseho sa Dakbayan sa Sugbo ug mao usab ang gitahasan ni Mayor Edgardo Labella sa paghimo og koordinasyon sa opisyales sa simbaham ug kapolisan.
Nagkanayon si Zafra nga subsub ang ilang naglinya nga mga panagtigom aron gyud masiguro nga mahimong hapsay ang nahisgotang makasaysayanong kalihokan.
Ang mga adunay official ID sa kalihokan performers ug mga dinapit ra gyud sa event.
Ang mga tawo nga gusto mosaksi niini giawhag nga adto ra gyud sa online motan-aw aron dili magdasok ang mga tawo diha sa venue ug mapatuman ang physical distancing.
Pipila sa umaabot nga dagko nga kalihokan mao ang Triduum Celebrations nga ipahigayon sa Abril 11 hangtud 13, 2021 nga langkuban sa mass and baptism sa 100 ka bata sa Archdiocesan Shrine of Our Lady of Guadalupe de Cebu, mass and confirmation sa 100 ka tawo diha sa St. Joseph National Shrine, mass and rite of initiation alang gihapon sa 100 ka tawo diha sa National Shrine of Our Lady of Rule.
Adunay ipahigayon nga motorkada sa Jubilee Cross ug sa imahen ni Senior Santo Niño sa Cebu City, Mandaue City, Talisay ug Lapu-Lapu City.
Karong Abril 14, 2021ipahigayon usab ang reenactment sa unang bunyag diha sa Magellan’s Croos, misa ug renewal of baptismal promise ug bunyag sa mga bata. —BDB (BANATNEWS)
- Latest