Cebu City nitala lang og 39 ka bag-ong kaso

CEBU, Philippines — Natala niadtong Domingo ang labing ubos nga bag-ong kaso sa coronavirus disease sa Siyudad sa Sugbo. Ang dakbayan nakatala lang og 39 ka kaso ug kini maoy kinagamayan sukad sa buwan sa Enero karong tuiga.

Kahinumduman nga sa pagsugod sa tuig 2021 ang kaso sa COVID-19 hinay-hinay nga misaka gani pila ka ug niabot pa sa puntong nilapas kini og 200 ka kaso sa usa ka adlaw hinungdan nga mipatuman og subsob nga contact tracing ug subling gihimo ang foot patrols sa mga otoridad aron badlungon ang mga tawong wala motuman sa mga health protocols.

Niadtong Domingo ang siyudad duna nay 21,850 total cases gikan sa pagsugod sa miaging tuig, apan 1,333 lang ang aktibong kaso human nga 19,701 ang nangaayo na. Samtang 119 sab ang dugang nangaayo anang adlawa apan dunay usa nga nakalas maong niabot na kini karon og 816.— IBM (BANATNEWS)