Mga sakop sa CT-TODA gihatagan og accident insurance
CEBU, Philippines — Nakadawat og accident insurance ang mga sakop sa City of Talisay-Traffic Operation Development Authority (CT-TODA).
Gikan kini ni Gobernador Gwendolyn Garcia nga gihatag atol sa service caravan didto sa Dakbayan sa Carcar niadtong miaging adlaw.
Si Jonathan Tumulak, traffic czar sa siyudad nitataw nga dako kini og tabang kanila nga kanunay nga naa sa dalan. Ang accident insurance nikantidad og P120 mil nga molanat og usa ka tuig nga coverage.
Makahatag gyud ni og kalinaw sa hunahuna sa enforcer ug pamilya sa kabalaka simbako ug ma disgrasya sa trabaho,” nagkanayon si Tumulak.
Segun pa niya nga dako nga risgo ang trabaho sa enforcer nga kanunay nga naa sa dalan.
Gipasalamatan ni Tumulak ang gobernador nga naglantaw sab sa seguridad sa mga enforcer ug sa pamilya niini. —MEL (BANATNEWS)
- Latest