Balik Pasada ID ipa-waive sa CCJTF

CEBU, Philippines — Nagplano ang Cebu City Jeepney Task Force nga i-waive ang “Balik Pasada IDs” human nga gitugotan na sa kagamhanan sa Siyudad sa Sugbo ang pagsulod sa mga Public Utility Jeepneys gikan sa ubang Local Government Units.

Si Konsehal James Anthony Cuenco, chairman sa Cebu City Jeepney Task Force nagkanayon nga ang mga operator nga nag-cover sa inter-local government unit (Inter-LGU) routes kinahanglang mokuha og travel line sa Cebu City Transportation Officeb(CCTO) sa dili pa maka-operate sa Dakbayan sa Sugbo.

Niadtong Biyernes, niluwat sa Executive Order No. 122 si Mayor Edgardo Labella nga nagtugot sa ubang mga PUJ gikan sa Mandaue ug Talisay City nga makasulod na sa Siyudad sa Sugbo.

Subay niini, gibutyag ni Cuenco nga nakadawat sila og mga report nga adunay mga jeepney driver nga adunay violations nga nahimo sama sa overcrowding.

Hinungdan nga adunay hotline nga gibutang si Cuenco aron ang katawhan makasumbong kon adunay mga violation.

Dugang ni Cuenco nga ang violator nga  masakpan nga Cebu City Jeepney Task Force imbargohon ang ID nga gihatag kanila. BDB (BANATNEWS)