106 mil doses sa bakuna para sa healthcare workers
Cebu, Philippines — Kinahanglan pa og sobra 50 mil ka doses sa bakuna ang Central Visayas alang sa mga healthcare workers niini matud pa ni Dr. Mary Jean Loreche, tigpamaba sa DOH-7.
Sa pagkakaron dili momenus 62 mil kapin na ka doses sa bakuna ang nadawat sa rehiyon gikan sa duha ka brand sa bakuna, 32,540 sa Sinovac ug 30,000 sa Astrazeneca nga niabot kagahapong adlawa.
Apan matud ni Loreche anaa sa mga 53 mil ang mga health workers sa rehiyon apil na niini ang mga naa sa mga rural health units ug temporary treatment and monitoring facility (TTMF).
Pasabot niini moabot sa 106 mil ka doses sa bakuna ang kinahanglan para palang sa mga health workers. Apan tungod aduna nay di momenus 62 mil nga nahatag na daan sa rehiyon, kinahanglan og dugang bakuna aron moigo sa tanang medical frontliners.
"Up to LGU level (RHUs, TTMFs) approximately 53,000 multiply by 2 doses - 106,000. We have 62,000 so 50,000 more doses needed," matud ni Loreche.
Human sa health workers matud ni Loreche mosunod na usab nga bakunahan ang mga senior citizens nga adunay comorbidities o kadtong dunay mga gihambing sakit sa panglawas.
Ang 75 lamang ka mga medical personnel sa Mandaue City Hospital ang nakadawat og bakuna gamit ang 150 doses nga sinovac vaccine gikan sa Department of Health (DOH)7.
Ang maong gidaghanon nga makadawat og bakuna maoy kabahin sa 117 ka mga medical personnel sa maong tambalanan nga gikinahanglan nga kabakunahan sa coronavirus disease 2019.
Si Dr. Jake Ian Seno, officer- in- charge sa Mandaue City Hospital miingon nga ang 117 ang mga personnel sa maong tambalanan nga gustong magpabakuna.
Matud pa niya nga nagpirma na og waiver ang 75 nila ka mga medical woerker ug nahuman na usab nila ang pag-appraise niini.
"So, dili man na siya maka allocate sa tanan so unahon namo ang doctors, midwife, ug nurses, so, the rest ana if ever naa nay maabot nga lain that’s the time we will vaccinate all of them,” ni Seno pa.
Nakahukom si Mayor Junard Chan pag-uswag sa pagpatuman sa mandatory nga pagsul-ob og face shields sa mga Oponganon ngadto sa Marso 18, 2021 inay niadtong Marso 3, 2021 kun sila mogawas sa publikong lugar.
Si Chan miingon nga mao kini ang ilang nasabotan kauban sa Barangay Mayor's Office ug City Environment and Natural Resources (CENRO) nga sugdan unta niadtong Marso 3, 2021 apan nakasabot siya nga dili tanan makapalit dayon og face shields.
Kadtong mga nadakpan sugod Marso 3 ug nakamulta og tag P1,000 ulian sa siyudad ug kadtong gikatakdang mohimo unta og community service dili na papadayunon.— Rowena Capistrano ug Romeo T. Limpangog (BANAT NEWS)
- Latest