25 dugang recoveries sa COVID-19 sa Cebu City

CEBU, Philippines — Ang Dakbayan sa Sugbo adunay 25 ka nadugang nga recoveries sa COVID-19 base sa gipagawas nga datos sa Department of Health niadtong Marso 2, 2021.

Sa kinatibuk-an ang Dakbayan sa Sugbo aduna na kini 13,934 ka recoveries ug 747 ang nangamatay lakip niini ang siyam ka nadugang.

Ang siyudad aduna kini 151 ka bag-ong kaso ug nikabat ngadto sa 17,832 ang kinatibuk-ang kaso ug 3,151 ang active cases.

Ang Mandaue City adunay 880 active cases diin nikabat ngadto sa 4,264 kinatibuk-ang kaso lakip niini ang 89 ka bag-ong kaso, 3,199 ang recoveries lakip niini ang 50 nga nadugang ug 185 ang gidaghanon sa nangamatay.

Sa Lapu-Lapu City aduna kini 845 active cases diin niabot ngadto sa 4,268 ang kinatibuk-ang kaso lakip niini ang 41 nga nadugang.

Ang Lapu-Lapu  aduna kini 3,297 nga gidaghanon sa recoveries lakip niini ang 78 nga nadugang ug 123 ang gidaghanon sa nangamatay.

Base sa datos sa DOH-7 ang Central Visayas aduna kini 39,581 ka kinatibuk-ang kaso; 6,479 ang active cases; 31,507 ang recoveries ug 1,595 ang mga nangamatay. Sa laing bahin, ang Barangay Tabunan, Dakbayan sa Sugbo nagpabilin gihapon nga “zero reported transmission” sukad pa sa pagsugod sa pagkuyanap sa COVID-19.

Matud ni Konsehal Joel Garganera, deputy chief implementer sa Emergency Operations Center sa siyudad nga sa nilabayng adlaw ang Tabunan nakatala og unang kaso sa COVID-19 diin nasayran nga ang exposure dili gikan sa maong barangay.

Ang nagpositibo residente sa barangay Tabunan apan wala kini nakauli sulod sa pipila ka higayon.

Nasayran nga 14 usab ka barangay ang walay reported cases sulod sa napulo ka adlaw nga monitoring.  —Rowena D. Capistrano/BDB (BANATNEWS)