84th Charter Day gisaulog kagahapon sa Siyudad sa Sugbo
CEBU, Philippines — Gisaulog kagahapon ang ika-84th Charter day sa Cebu City diin ang kalihukan gitambongan sa mga opisyales sa siyudad nga gipanguluhan ni Bise Mayor Michael Rama.
Lakip sa nitambong sa kalihukan mao sila si konsehal Joel Garganera, Eduardo Rama Jr. ug Donaldo “DonDon” Hontiveros.
Sa mensahe ni Vice Mayor Rama, apo ni Don Vicente Rama, Father of Cebu City Charter kini mipahinumdom sa panultihon sa iyahang apohan nga ‘daghanon ang panerbisyo ug menusan ang pamolitika’.
Nagkanayon si Rama nga angayan kini hinumduman kanunay ilabi na karon nga nag-atubang ang siyudad og pandemya dungan sa pagbutyag nga ang pandemic maoy modeterminar kung kinsa ang angayan nga mobalik sa tuig 2022.
Wala makatambong si Mayor Edgardo Labella sa kalihukan tungod kay wa gihapon tuguti sa iyang mga doctor nga mosagol sa daghang tawo.
Apan mihatag kini og mensahe nga gibasa ni City Legal Officer Atty. Rey Gealon, sa mensahe sa mayor kini mipahinumdom sa tanan nga magkahiusa ilabi na sa sitwasyon karon ug ipadaplin una ang politika. Ang kalihukan kagahapon sa buntag gitapos pinaagi sa wreath laying sa monumento ni Don Vicente Rama diha atubangan sa city hall. —MEL (BANATNEWS)
- Latest
