Returning OFWs sa Mandaue giatiman
CEBU, Philippines — Proseso nga kinahanglang again sa mga Mandauehanong Overseas Filipino Worker (OFW) nga nangabot gipadali sugod pa sa Pebrero 5, 2021 inabagan na sa departamento sa turismo sa dakbayan.
Ang mga returning OFWs sugaton diha palang sa Mactan Cebu International Airport sa mga kawani sa Tourism Department sa siyudad uban sa opisyales sa barangay diin sila magpuyo aron ihatud silansa Mandaue City Isolation Facility nga mao angh kanhi North Bus Terminal sa Barangay Subangdaku .
Kadtong uban nga dili buot magpa-isolate diha sa maong pasilidad mahimong magpahatud ngadto sa pribadong hotel diin sila magpaubos og 14 ka adlaw nga quarantine samtang paabuton ang resulta sa ilang mga swab test.
"Kay before man gud ang barangay mao man ang mo-pick-up sa airport unya there are instances nga madugay," nagkanayon si Hazel Tamondong , tourism officer sa dakbayan.
Sagad sa mga returning OFWs sa Mandaue gikan sa Singapore, Japan, ug United Arab Emirates. Sagad sab nila nag-stopover na sa Manila ug didto gipaubos na sab sila og swab test ug 14 ka adlaw nga quarantine una pa gitugotang makalahos sa Sugbo. —IBM (BANATNEWS)
- Latest
