CTO modawat na karon og renewal sa business permit
CEBU, Philippines — Ang Cebu City Treasurer’s Office (CTO) ug ang Business Permit and Licensing Office (BPLO) nipahibawo nga sugod karong adlawa sugdan ang renewal sa Mayor’s Business Permit ug uban pang permits ug licenses alang sa tuig 2021.
Si Cebu City Mayor Edgardo Labella nimando nga abagan sa CTO ang mobayad sa ilang buhis ug hugot nga ipatuman ang minimum health protocols paglikay sa COVID-19.
Hangtud sa Pebrero 20, 2021 ang pagpanawat sa bayad sa business taxes nga walay penalty.
Mahimong mobayad sa buhis sa negosyo online pinaagi sa http://www.cebucity.gov.ph/ ug mahimo usab nga mobayad sa business permit and licensing center sa SM City Cebu apan kinahanglan mag-schedule una og appointment pinaagi sa http://www.cebucity.gov.ph/.
Ang pag-renew sa sanitary permit, fire safety inspection certificate ug CCENRO pwede usab dawaton sa Business Permit and Licensing Center sa SM City.
Sa mga nakakuha ug Mayor’s Business Permit nga balido sa tuig 2020-2021, dili na kinahanglan mo-renew karong tuiga.
Sa naandan, kinahanglan gihapong mo bayad og buhis mag-update sa mga clearances sama sa sanitary permit, CCENRO, fire safety inspection certificate ug uban pa nga permit o clearances nga kinahanglanon sa negosyo. –BDB (BANATNEWS)
- Latest
