37 ka patrol jeep ug mga vests gipanghatag ngadto sa kapolisan
CEBU, Philippines — Dili mominus 37 ka patrol jeep ug 379 ka undershirt vest ang opisyal nga gitunol sa Police Regional Office (PRO) -7 gikan sa PNP National Head headquarters nga gitinguha nga makatabang sa pwersa sa kapolisan sa ilang pagpatuman sa seguridad alang sa pandemic nonot sa posibling pagbukas usab sa mga kalihokan sa turismo.
Sa iyang speech kagahapon (Miyerkules) atol sa turnover ceremony, si Police Brigadier General Ronnie Montejo, hepe sa PRO-7 mipadayag nga ang mga patrol jeeps ug vests magpalig-on sa competence sa pwersa sa kapolisan alang sa pakigbatok sa kriminalidad sa rehiyon.
"Kining mga sakyanan karon, multi-purpose ni, pwede ni nato i-augment sa mga programa sa atong mga LGU lalo na sa paghikayat ug pagbalik sa turismo, so naa sa ato ug unsaon nato pag gamit,sana lahat ng mga ito ay maganda ang kahihinatnan,"panawagan ni Montejo ngadto sa mga opisyal.
Sa 37 ka Patrol Jeeps, 10 ani naa sa Bohol Provincial Police Office (BPPO), 12 niini ug 155 ka undershirt vests anaa sa Cebu Provincial Police Office , samtang ang Negros Oriental Police Provincial Office (NOPPO) nakadawat ug siyam ka patrol jeeps ug 87 ka vests.
Samtang, ang Cebu City Police (CCPO) nakadawat ug 55 ka undershirt vests, 55 usab ngadto sa Mandaue City Police Office (MCPO) ug 25 sa Lapu-Lapu City Police Office.
"Maka augment ta ug dili lang manpower kundili logistical forces nato, labi na sa mobility, kay dili gyud nato ikalimod nga kinahanglan gyud ug mobility sa PNP," dugang pa ni Montejo. —MEL (BANATNEWS)
- Latest
