Cebu City nanghatag og bugas sa LGBT community

CEBU, Philippines — Ang kagamhanan sa Dakbayan sa Sugbo nanghatag og bugas ngadto sa mga sakop sa lesbian, gay, bisexual, and transgender (LGBT) community atol sa pagsaulog sa pasko.

Subay kini sa hangyo sa chairman sa Cebu City Anti-Discrimination Commission Juergen Maxilom ngadto kang Mayor Edgar Labella.

Matud sa usa sa mga commissioner sa CCADC Benjamin Durado Jr. nga nagpadala  sila og bugas ngadto sa tanang barangay ug mao na kini ang gitugyanan nga moapod-apod sa bugas sanglit sila man ang adunay lista sa mga sakop sa LGBT diha sa ilang lugar.

Matud usab ni Durado nga usa kini sa nindot nga pinaskohan nga nadawat sa LGBT.

Nasayran nga dili magkapareho ang kilo sa bugas tungod kay nagdepende kini sa gidaghanon sa miyembro sa matag barangay.

Sayo pa, ubay-ubay na ka mga sektor ang nakadawat og bugas  gikan sa kagamhanan ug ang labing bag-o niini mao ang street vendors.

Nagsugod ang pag-apod apod sa ayuda dihang nikuyanap ang pandemiya sa nasud. –BDB (BANATNEWS)