Cebu province
Cebu, Philippines — Sa pikas bahin, 209 ka pamilya ang gipabakwit sa pito ka mga local government unit (LGUs) sa lalawigan niadtong Biyernes, Disyembre 18, tungod sa bagyong Vicky.
Matud ni Rhee Telen Jr. sa Cebu Provincial Disaster Risk Reduction and Management Office (PDRRMO), gihimo ang pre-emptive force evacuation sa Argao, Compostela, Sibonga, Dumanjug, Dalaguete, Boljoon, ug Danao City.
Sigon ni Telen nga ang Danao City, Compostela, Dumanjug, ug Dalaguete nakasinati usab og usa ka storm surges maong gipugos sa pagpabakwit ang mga nagpuyo sa mga baybayon nga lugar.
Tungod sa pagbaha, usa ka balay sa lungsod sa Argao ang naguba. Duha ka mananagat sab ang na-missing adtong Biyernes sa lungsod sa Sibonga apan nauli nga luwas.
Sa kinatibuk-an, 12 ka mga fishing boat sa Boljoon ang gikatahong nangaguba, duna say mananagat nga naluwas human nabanlas ang bangka niini sa dagkong bawod. Ang PDRRMO nakatala usab og duha ka minor nga pagdahili sa yuta sa Dakbayan sa Talisay ug San Fernando.
Sa pagsulat ning balita, padayon pa ang PDRRMO sa pagkolekta sa mga impormasyon gikan sa kalungsoran bahin sa epekto sa bagyo. —Mae Fhel Gom-os ug report gikan sa The Freeman ( BANAT NEWS)
- Latest
