Police escorts ni Chan gipun-an
Cebu, Philippines — Dugang upat ka mga sakop sa Special Weapon and Tactics (SWAT) ang gibutang aron sa pagbantay kang Lapu-Lapu City Mayor Junard “Ahong” Chan tungod sa matud pa mga hulga nga iyang nadawat.
"Naay nag-ingon nako nga mga reliable sources nga naa koy death threats," nagkanayon si Chan. Apan wala na siya mohatag pa og dugang impormasyon kabahin niini. Si Police Colonel Arnel Banzon, direktor sa LCPO mikumpirmar nga gihatagan niya og upat ka polis gikan sa SWAT ang mayor dugang kini sa tulo ka mga police nga close-in bodyguards niini.
Giklaro hinuon niya ngadto sa mga tigbalita nga mokuyog lamang ang maong mga sakop sa SWAT sa higayon nga aduna kini mga lakaw sama sa meetings ug uban pa niining mga kalihokan nga iyang pagatambongan.
"Until such time nga mawala na ang threat ni mayor, that's the time nga ato na pud siguro silang i-pull out," si Banzon namahayag. ( BANAT NEWS)
- Latest