Garcia: Relihiyosong kalihokan angayang mobalik sa normal
CEBU, Philippines — Si Gobernador Gwendolyn Garcia nipadayag nga angayan na nga mobalik sa normal ang pagpahigayon sa relihiyosong kalihokan sama sa Misa de Gallo.
"I believe kanang Misa de Gallo, apil na na sa atong kultura, apil na sa atong pagkatawo", matud ni Garcia.
Kabahin sa oras sa Misa de Gallo gitugyan kini ni Garcia ngadto sa Archdiocese of Cebu.
Ang simbahan nisunod kini sa protocol nga gihan-ay sa gobiyerno ilabina kabahin sa panagtapok.
Apan karon matou ni Garcia panahon na usab nga ang simbahan maoy modesisyon kabahin sa relihiyosong kalihokan.
"I think it's time that we should also recognize that separation that they (church) should be able to make their own decisions", ni Garcia pa.
Subay niini, ang Department of Health (DOH)-7 walay nakitang problema kong itugot ang Misa de Gallo.
Hinuon ang DOH-7 niawhag sa mga lokal nga kagamhanan nga limitahan lang ang gidaghanon sa mga tawo nga mosulod sa simbahan ug ang mga manimbahay kinahanglang motuman usab kini sa health protocols lakip na niini ang pagsul-ob og face mask ug face shield. —Rowena D. Capistrano/BDB (BANATNEWS)
- Latest
