Comelec walay transaksiyon sa duha ka holidays

CEBU, Philippines — Ang Commission on Election (Comelec) dili mopahigayon og voter’s registration karong Nobiyembre 30, 2020 ug Disyembre 8, 2020 tungod kay holiday ang maong mga adlaw.

"Pursuant to Presidential Proclamation No. 845, all office of the Commission on Elections nationwide will be closed on November 30, 2020 (regular holiday) and December 8, 2020 (special non-working holiday), hence there will be no voter registration", tipik sa advisory sa Comelec.

Ang Nobiyembre 30 mao ang “Bonifacio Day” samtang ang Disyembre 8 kapistahan sa “Immaculate Conception of Mary”.

Ang Comelec nagkanayon nga sa maong mga adlaw wala silay transaksiyon sa publiko diha sa ilang main office ug field offices ug walay issuance usab sa voter's certification.

"The public is reminded that voter registration is conducted from 8:00 am to 3:00 pm only during weekdays, with Friday as the designated disinfection day, unless the LGU prescribes a different disinfection day", laing tipik sa advisory sa Comelec.

Ang Comelec padayon usab nga nipahimangno sa publiko nga mosunod sa minimum health standards hilabina ang mga moadto diha sa mga buhatan sa Comelec. —BDB (BANAT NEWS)