Toledo nanghatag og cash aid sa mga drayber
CEBU, Philippines — Gisugdan na sa miaging adlaw ang ikaduhang hugna sa pag-apod apod sa kagamhanan sa Siyudad sa Toledo og financial assistance alang sa mga drayber sa jeepney , tricycle ug trisikad.
Nasayran nga nakadawat og tag P2 mil ang mga drayber sa PUJ nga moabot og 28 ka buok ug moabot usab og173 ka tricycle driver.
Samtang ang 351 ka mga drayber sa trisikad nakadawat og P1, 000 matag usa.
Base sa taho sa Toledo City Public Information Office , mapasalamaton si Mayor Marjorie P. Perales ngadto sa mga drayber gumikan kay nituman gyud kini sa health protocols ug sa balaud sa trapiko hinungdan nga nakatampo kini og dako sa kahapsay sa ilang dapit.
Suma pa sa information officer sa siyudad nga si John Rosseller Layan nga gihimoan gyud nila og alternatibong rota ang mga drayber nga dili makaagi sa national highway ug giseguro usab nila nga limitado lang ang mga pasahero nga makasakay aron istriktong mapatuman ang physical distancing.
Suma pa niya nga dako kaayo og tabang ang maong financial assistance ngadto sa pamilya sa mga drayber. (BANAT NEWS)
- Latest
