Mga mananagat sa Cordova nakadawat og tabang gikan sa CCLEC
CEBU, Philippines — Miabot ngadto sa 835 ka mga mangingisda sa Lungsod sa Cordova ang nakadawat og financial assistance gikan sa Cebu Cordova Link Expressway Corporation (CCLEC) sa miaging adlaw. Ang maong mga mangingisda nagikan sa Barangay Pilipog, Day-as, Ibabao, Dapitan, ug Cogon.
Ang boat owners nga gilangkoban og 149 ka indibidwal nakadawat og P5,000 , samtang ang non boat owners nga gilangkuban og 686 ka mangingisda nakadawat og P2,500.
Ang maong mangingisda nakadawat og assistance gumikan sa ilang adjustments sa ilang papanagat samtang nagpadayon ang konstruksyon sa taytayan nga nagkonektar sa Siyudad sa Sugbo ug sa Munisipyo sa Cordova.
Kahinumdoman nga nakahimo usab sila kaniadto og temporaryo nga docking site samtang nagpadayon ang konstruksyon sa taytayan.
Nakatunol usab ang CCLEC sa miaging mga buwan ngadto sa mga mangingisda og marine engines ug mga materyales sa pagbuhat og mga motorbanca.
Niadtong buwan sa Oktubre, adunay 61% nga overall engineering, procurement and construction (EPC) progress ang maong proyekto ug 48% nga construction progress sa taytayan. —MEL (BANATNEWS)
- Latest
