Caindec gitugtang mopasaka og kaso batok sa dealer og motor

CEBU, Philippines — Gitugotan ni Land Transportation Office assistant secretary Edgar Galvante si LTO-7 director Emmanuel Caindec sa pagpasaka og kaso batok sa dealer og motorsiklo nga dugay moproseso sa pagrehistro sa mga nahalin nilang motorsiklo.

“With regard to your initial finding and recommendation to file criminal case against the said dealer for tax evasion and submission of spurious/falsified documents, as regional director you are authorized to refer, coordinate and file appropriate case with concerned government offices as deemed fit,” sumala pa sa suwat ni Galvante kang Caindec.

Gipahibalo sab ni Galvante  nga nadawat na sa  LTO ang case report ug rekomendasyon sa maong dealer nga giingong nakalapas sa mga gipatumang palisiya sa ahensiya.

Adunay himuong administrative hearing for evaluation bahin sa maong kaso. Niadtong  Marso 2020 , ang LTO 7 miisyu og show-cause orders batok sa lima ka motorcycle dealers tungod sa paglapas nila sa accreditation diha sa ilang buhatan , apan gipasanginlan hinuon si Caindec nga nangilkil kanila.

Gibutyag ni Caindec nga ang mga dealers nisuway pagsuborno kaniya aron paspasan ang pagproseso nga unta wa may backlog ang ilang buhatan sa pagpangrehistro, apan gipasanginlan sila nga unom ka buwan na silang wala molihok sa rehistrasyon.  Niadtong Septiyembre 22, 2020, si Presidential spokesperson Harry Roque mitawag kang Caindec nga “corrupt official” tungod matud pa nalambigit kini sa mga anomalya paglangay-langay sa pagpagawas sa rehistro sa mga motor sa rehiyon ug gipasanginlan sab niya si Caindec nga nangilkil.

Apan paglabay sa duh aka adlaw, gihimakak ni Roque ang mga alegasyong nangurakot ang usak a opisyal sa LTO-7. –The Freeman/IBM