LPA padayong gimonitor sa CV
CEBU, Philippines — Mga paguwan nga nasinati kagahapong adlawa sa Central Visayas usa lang ka low pressure area ug wala kaayo nagbunga og mga kadaut apan kung mahimo kini siya nga bagyo pagatawgon kini siya nga Tonyo.
Si Engr. Al Quiblat, ang pangulo sa PAGASA Mactan nga nahinabi sa Banat News mingon nga base sa ilang 5- day extended weather outlook gikan sa Nobiyembre 7 ngadto sa 11 ang Central Visayas makasinati og madag-umong kalangitan uban sa mga pag-ulan.
Sumala pa ni Quiblat, kasarangan usab ang hangin apan adunay tsansang dunay mga kusog nga ulan nga masinati sa amihanang Sugbo.
Ang LPA gibanabana nga motugpa sa Samar. Awhag ni Quiblat sa katawhan nga kanunay magpaminaw sa mga balita bahin sa panahon ug dili magmagahi kung adunay mga mando o pahimangno sa ilang mga local government units. /IBM (BANATNEWS)
- Latest
