Ex-con nasikop sa buy-bust operation
CEBU, Philippines — Usa ka ex-convict nga durogista ang nasikop atol sa buy-bust operation sa City Intelligence Unit (CIU) sa Cebu City Police Office, Huwebes sa kadlawon diha sa Estoce Comp., Villalon Drive., Barangay Capitol Site, Siyudad sa Sugbo.
Ang dinakpan giila nga si Jefferson Lawat Solon alyas "JEP-JEP "25 anyos residente sa maong dapit og gikonsiderar nga high value individual sa drug watchlist.
Suma pa ni Police Major Randy Caballes ang nangu sa operasyon nga si Solon na priso na kaniadto sa kasong pag pamaligya og drugas og naka gawas kini tungod kay nakapahimus sa plea bargain sa korte. Dugang pa ni Caballes nga duha ka semana nilang gipanid-an ang illegal nga kalihokan ni Solon og maka baligya kini 150 hangtod 200 gramos matag semana og nasayran nga gikan sa City Jail ang contact ni Solon.
Nakuha gikan sa iyang posisyon ang mga pinutos sa gituohang shabu nga motimbang og 120 gramos nga mo balor og 816,000 pesos.
Samtang laing pusher og shabu ang nasikop usab sa mga sakop sa City Intelligence Branch (CIB) sa kapolisan sa Mandaue City Police Office (MCPO) sa ilang buy-bust operation sa miaging gabii sa Barangay Centro.
Ang dinakpan naila nga si Sugar Ray Espinoza, 30 anyos nga taga Villa del Rio sa Barangay Bacayan, Dakbayan sa Sugbo ug nakuhaan og 25 ka gramos sa gituhuang shabu nga mobalor og P150,000 . —Romeo T. Limpangog/MEL (BANATNEWS)
- Latest
