Tulo ka police precinct sa talisay gipalihok og balik
CEBU, Philippines — Gipalihok na og balik ang tulo ka police precinct sa Dakbayan sa Talisay sugod kagahapon sa buntag.
Kini nagpasabot nga mahimo na nga direktang magpatabang ang mga molupyo may labot sa kahapsay ug kalinaw sa ilang lugar.
Si Police Major Gerard Ace Pelare, pangu sa Talisay City Police Station maoy nangulo sa kalihukan inubanan sa mga kapitan sa Barangay Lawaan 1, Tanke ug Bulacao.
Matud pa ni Pelare nga ang tulo ka Police Community Precinct gihimo og baraks o lugar nga makapahuway ang kapulisan samtang gihugtan ang lockdown sa pipila ka lugar sa dihang nitumaw ang pandemya.
Apan subo lang palandungon tungod kay ang PCP sa Bulacao naatlan nga nagpakamatay ang usa ka polis human niya napatay ang iyang gikarelasyon.
Hinuon sa pagbalik sa tulo ka PCP paspas na unya ang pagtubag sa mga alarma sa dakbayan.
“The fight against Covid-19 will be maintained with QRTs covering the interior portions of their AOR,” matud pa ni Pelare. /MEL (BANATNEWS)
- Latest
