Seniors, minors bawal pa gihapon sa Basilica
CEBU, Philippines — Niisyu og public advisory ang Basilica Minore del Santo Niño de Cebu nga nagdili gihapon pagpasulod og mga minor de edad ug mga senior citizen.
Suma pa sa mga kadagkoan niini nga magpaabot ra sila sa executive order ni Mayor Edgar Labella kun duna ba kini kausaban sa guidelines sa nagpadayon nga pagpatuman sa modified general community quarantine .
“Please be informed that the health protocols and safety measures implemented in the Basilica specifically the age limit of persons allowed to enter the church (22 to 59 years old only) will remain as it is,” tipik sa ilang statement.
Kahinumdoman nga gipaubsan sa Inter-Agency Task Force on COVID-19 nga ang restriksyon sa mga edad niadtong gitugotang makagawas gikan sa ilang mga panimalay bisan ubos pa sa quarantine restrictions ang ilang mga dapit.
Base sa IATF Resolution No. 79 nga giisyu sa miaging semana nga mamahimo na nga makagawas kadtong nag-edad og 15 hangtod 65 anyos uban sa kondisyon nga dili kini mabdos ug wala kini gihambin nga sakit.
Apan wala magpasabot nga kun gikan sa IATF, mao gyud kini ang matuman sanglit ang LGUs o ang mga mayor maoy gihatagan og katungod pagdesisyon kun sundon kini o dili. — Sanden J. Anadia/IBM
Pagpamakuna sa DOH himuon sa mga balay
Mopadayon sa ilang vaccination program ang Department of Health Central Visayas bisan pa man sa hulga sa coronavirus pandemic.
Ang tigpamaba sa DOH-7 Dr. Mary Jean Loreche, mibutyag nga ilang sugdan unya sa Oktobre 28, 2020 ang pagpamakuna batok sa tipdas. Sumala pa ni Loreche, tungod sa protocols ang DOH na ang mopahigayon ug house-to-house alang sa maong programa sa pagpamakuna.
Dugang pa ni Loreche, usa sa labing epektibong paagi sa pagpahigayon ug immunization mao ang house-to-house tungod kay nakasabot sila sa kahadlok sa mga ginikanan sa pagdala sa ilang mga anak sa health centers alang sa niini.
Si Loreche, nitug-an atol sa pagpamakuna, pasabton usab ang mga ginikanan sa gihimo ngadto sa ilang mga anak. /IBM (BANATNEWS)
- Latest
