P200 milyones socialized housing gitinguha sa Toledo City
CEBU, Philippines — Nigahin ang kagamhanan sa Dakbayan sa Toledo og P200 milyones alang sa socialized housing project sunod tuig alang sa mga urban poor o informal settlers.
Suma pa sa report sa Community Affairs and Development sa maong dakbayan nga nasulod sa Annual Investment Plan (AIP) ang maong katuyoan ug usa kini sa gipresentar sa ilang city administrator nga si Architect Ferdinand Marquez atol sa City Development Council (CDC) Meeting.
Usa sa mga proyekto mao ang pagtukod og 21 ka mga condo-type housing sa barangay Magdugo diin 800 kapin ka mga pamilya ang makabenipisyo niini.
Suma pa nga andam na ang disenyo niini nga gibuhat mismo ni Marquez
Gawas niini , i-develop usab ang ubang yuta sa siyudad aron daghan gyud ang makabenipisyo niini.
Una na nga gitinguha ni Mayor Marjorie Perales ang pagsulabad sa informal settlers hinungdan nga gipaaktibo niini ang Local Housing Board (LHB). /IBM (BANATNEWS)
- Latest
