Mga nakaali sa mga sapa ipatangtang

CEBU, Philippines — Ipatawag ni Cebu City Mayor Edgar Labella ang mga administrador o tagiya sa mga buildings nga nakaali sa mga sapa  dinhi sa siyudad nga gitumbok nga usa sa hinungdan sa pagbara sa mga basura ug nakaingon sa pag-awas sa tubig baha matag mobunok ang kusog nga uwan.

Gitahasan ni Labella ang hepe sa Cebu City Disaster Risk Reduction Management Office nga si Ramil Ayuman paglista sa tanang mga establisamentong nakaali sa mga sapa sa siyudad.

Buot ni Labella nga makigkita kanila uban sa kadagkoan sa Office of the Building Officials (OBO) ug Department of Public Works and Highways aron masulbad kining maong problema sa baha.

Sumala pa ni Labella kadaghanan niini natukod niadto pang tuig 70s, 80s ug 90s apan nanghinaut siyang mokooperar ang mga tag-iya nga tangtangon kining nakaali sa agianan sa tubig.

Gawas pa niini nanawagan si Labella sa katawhan paghipos og tarong sa ilang mga basura ug di pataka og labay niini. Rowena D. Capistrano/IBM (BANATNEWS)