Tricycle drivers sa Talisay gipahinumduman sa health protocols
CEBU, Philippines — Gipahinumdoman sa kagamhanan sa Dakbayan sa Talisay ang mga traysikol drayber alang sa ilang buhaton aron kalikayan ang covid-19.
Ang kapulisan sa syudad, City of Talisay-Traffic Operation Development Authority (CT-TODA) ug mga opisyales sa Barangay Tanke naghiusa sa pakighimamat sa mga drayber sa traysikol.
Si Jonathan Tumulak, traffic czar sa syudad nipasabot nga kinahanglan dunay barrier ang mga traysikol ug ang mga drayber mahimong madakop kung wala mopatuman sa safety ug health protocols samtang namasahero.
Nipaambit sab ang kapulisan pinaagi ni PSSg Otto Von Pulmones sa ilang mga programa sama sa pagsumbong sa mga tawo nga padayon nga adunay kalihukang ilegal.
Samtang si Police Major Gerard Ace Pelare, pangu sa Talisay City Police Station nibutyag nga ang papel ug kooperasyon sa mga drayber dakong tabang sa pagpatuman sa ordinansa ug health protocols aron malikayan ang pagkatap sa coronavirus disease. /MEL (BANATNEWS)
- Latest