Wanted sa carnapping nasikop sa consolacion
CEBU, Philippines — Nasikop sa hiniusang pwersa sa kapolisan sa Catmon Police ang usa ka 38 anyos nga lalaki nga wanted sa kasong carnapping diha sa Barangay Tugbungan Consolacion.
Ang nasikop mao si Gilbert Navarro, 38 anyos, residente sa Barangay Nangka, Consolacion
Ang Catmon PNP pinangulohan ni PLT Phil Castro Restauro uban sa composite team sa RIU 7, PIU ug CIDG 7 nisilbi sa warrant of arrest kang Navarro.
Ang warrant of arrest giluwatan ni Presiding Judge Hon. Jerry Dicdican sa RTC 25 sa Danao City.
Ang dinakpan kasamtangang gibalhog sa Catmon Police Station.
Samtang sa laing balita, usa ka street level individual ang nasikop sa mga tinugyanan sa Barili Municipal Police Station atol sa ilang gipahigayon nga buy bust operation sa may Sitio Kalubihan, Barangay Santa Ana, adlaw nga Huwebes.
Ang nasikop mao si Marvin Flores, residente sa maong lugar.
Nangulo sa maong operation mao si PCPT Gilfred Baroman, uban sa iyang mga sakop.
Bisan sa hugot nga kampanya sa kapulisan may kalabutan sa illegal nga drugas padayon gihapon ang gihimo nga pagpamaligya ni Flores sa ginadili nga drugas.
Ang dinakpan nasakmitan ug pinutos sa ginadili nga drugas nga motimbang ug 0.135grams nga mobalor ug dul-an sa usa ka libo ka pesos ug buy bust money. /MEL (BANATNEWS)
- Latest