Biking gidili tungod sa mga landslides
CEBU, Philippines — Temporaryong gidid-an una ang pagbisikleta, pagestambay ug pagpamaligya sa tulo ka bukirang barangay sa Dakbayan sa Talisay nga kinaham adtuon sa mga tawong gustong magpawala sa stress sugod niadtong miaging adlaw.
Kini human ang City Disaster Risk Reduction and Management Office nirekomendar niini ngadto ni Mayor Gerald Anthony “Samsam” Gullas Jr. gumikan sa nakita nila nga peligro mugna sa bati nga panahon.
Base sa kamanduan, sirado alang sa mga aktibidades ang barangay Jaclupan, Campo 4 ug Manipis. Apan abli kini para sa mga moagi lang sa lugar.
Hinuon sila gipahimangnoan nga dili gyud maghunong-hunong tungod kay adunay mga ginagmay nga pagdahili sa yuta.
Ang mga yuta sa bukirang dapit nihumok tungod sa sunod-sunod nga pag uwan hinungdan nga gilimitahan una ang mga kalihokan sa lugar. /IBM (BANATNEWS)
- Latest
