Wa pay lista sa mga dapit nga i-lockdown

CEBU, Philippines — Giklaro ni Cebu City Councilor Joel Garganera, Deputy Chief Implementer of Inter-Agency Task Force(IATF) Emergency Operations Center(EOC) Cebu City kadtong 21 ka barangay nga gipagawas sa miaging adlaw mao kadto ang mga barangay nga adunay mga active cases sulod sa ka adlaw gikan sa Hulyo 16 hantod sa 19.

Ilaha ang kadtong gihimo sampol kang Environment Secretary Roy Cimatu nga nakigtagbo sa mga barangay kapitan ug dili kadto maoy final nga listahan nga basehan sa pagpaubos sa granular lockdowns ang mga sitio nga dunay mga kaso sa COVID-19.

“Kay naa man gud nahitabo like for Banilad, for one as what Kap. Dennis Tabar told us ang nabutang didto 7 (pito) but when he investigate it turned out usa ra diay sa Banilad. Unya the other 6 are in Banilad pero Mandaue nga side,” matud ni Garganera.

Kini maoy hinungdan nga gikinahanglan gyud ang partisipayon sa barangay pag- validate sa mga data.

Matud ni Garganera nga trabaho sa Emergency Operation Center nga hashasan ang record kay sagad niini wala gyud diha or ang uban lisod i-locate.

“Dagko kay tag variance sa DOH ug City kay ang nahitabo man gud sa DOH once they get the result ila dayon i-publish, ibato dayon nila so when it reach sa City Health didto na nila hagpaton asa man ning addresses naay uban Guadalupe pero naa diay sa Talisay, naay ingon Capitol trabahante diay sa Capitol pero gi-address lang sa Capitol pero ang ilaha diay address imong tan-awon didto diay sa probinsiya,” dugang sa konsehal. Sa pagkakaron, wala pay final nga lista kun unsa nga barangay ang dunay mga sitio nga ipaubos sa granular lockdown. /IBM (BANATNEWS)