Utlanan sa Bantayan, Madridejos gisirad-an
CEBU, Philippines — Temporaryong gisirad-an sa Lungsod sa Bantayan ang utlanan niini sa Lungsod sa Madridejos sa Isla sa Bantayan aron malikayan ang pagkatap sa coronavirus disease.
Base sa resolusyon sa Bantayan Inter-Agency Task Force, ang mga frontliners lang ug pipila ka exempted ang makalusot sa borders.
Kini naglakip sa mga essential workers, negosyante, mga opisyal ug mga kawani sa gobiyerno, locally-stranded individuals (LSI) nga adunay igong travel document, LSI gikan sa highly-urbanized cities ug gawas sa Probinsiya sa Sugbo ug kadtong adunay emerhensiya ug medikal nga rason.
“All permitted individuals must log their name, business/office and contact numbers for passage,” pagbasa sa resolusyon.
Ang mga taga Madridejos nga gusto lang mangompra sa Bantayan Public Market ang temporaryong gi-ban. /GMR (BANATNEWS)
- Latest
