Sapatos inay citation ticket ang gitunol
CEBU, Philippines — Ang Special Weapon and Tactics kun (SWAT) ug City Mobile Force Company kun (CMFC) sa Cebu City Police Office misurpresa sa mga motoristang nasakpang nagmaneho nga wa magsuot og sapatos diha sa Trans-Central Highway sa Barangay Pung-ol kagahapong adlawa.
Inay nga tiketan aron pamultahon, ang grupo ni Police Captain Jefferson P. Sinfuego nga mipahigayon og random checkpoint nanghatag og sapatos kanila.
Ang pagpanghatag nila og sapatos maoy paagi nila pagselebrar sa Fathers Day kagahapong adlawa.
Pipila sa mga motoristang ilang gipara sa checkpoint labihang kuyawa kay tingalig maisyuhan sila og citation ticket o ba kaha makompiskar ang ilang lisensya tungod kay wala sila magsuo og sapatos ug uban pang traffic violations.
Apan nakurat sila nga gipanghatagan man hinuon sila og mga sapatos.
Matud pa ni Sinfuego ang mga liboan ka mga pares sa sapatos hinatag sa usa ka pribadong tawo nga negosyante.
Gawas sa paghatag og sapatos gipahimangnoan sila nga sa sunod nga madakpan silang wala magsapatos isyuhan na sila og ticket. /IBM (BANATNEWS)
- Latest
