Barangay Poblacion Pardo niumol og hospitalization program
CEBU, Philippines — Ang Barangay Poblacion Pardo, Dakbayan sa Sugbo nigama og hospitalization assistance program isip tabang sa ilang mga residente.
Kini ang gitug-an ni June Berongan, barangay administrator nga nahinabi sa Banat News.
Matud ni Berongan nga usa sa mga residente sa ilang barangay nga si Chris Lee Orsilada maoy unang Pardohanon nga nakapahimulos sa Hospitalization Assistance for Pardohanon Inhabitants (HAPI).
Gipasabot ni Berongan nga ubos sa HAPI program ang matag residente sa Poblacion Pardo nga ma-admit sa tambalanan makadawat og P1,000 isip assistance pagpalit og tambal sa pasyente.
Niadtong Enero 1, 2020 giaprobahan sa konseho sa barangay ang Barangay Appropriation Ordinance No.05 nga naggahin og kantidad alang sa maong programa.
Ang mangayo og hinabang kinahanglan kining mosumiter og dokumento sama sa medical abstract sa pasyente ug resita sa doktor o laboratory request.
Ang resibo sa napalit nga tambal o laboratory examination kinahanglan isumiter o iduso sa barangay alang sa liquidation sa Commission on Audit. /BDB (BANATNEWS)
- Latest
