Kasong murder batok sa nagpatay sa basurero

CEBU, Philippines — Kasong murder ang giandam sa kapolisan sa Presinto 1 sa Mandaue City Police Office batok sa usa ka tawo nga suspek sa pagbunal ug pagdunggab patay sa usa ka basurero.

Si Police Executive Master Sergeant Eduardo Flores niila sa suspek nga si Marco Sanchez, 33, taga Barangay Centro, Dakbayan sa Mandaue, samtang ang biktima giila nga si Bernardo Bronze, 31, taga Dakbayan sa Carcar.

Matud ni Flores nga nag-inom ang biktima ug ang suspek hangtud nga nangahubog ug nagpalabwanay sa hambog nga nisangko sa away.

Si Flores niingon nga ang biktima wala na nadala sa tambalanan ug ang suspek nitahan sa kapolisan ug gitanggong sa sa detention cell. /GMR (BANATNEWS)