Extension sa ECQ sa Sugbo irekomendar sa PRO-7

CEBU, Philippines — Buot nga irekomendar sa Police Regional Office (PRO7) ngadto sa Inter-Agency Task Force for Emerging Infectious Disease nga palugwayan pa ang Enhanced Community Quarantine sa Probinsya ug Dakbayan sa Sugbo tungod sa nagpadayong pagsaka sa mga kaso sa coronavirus (COVID-19).

Si PRO7 Regional Director Police Brigadier General Albert Ferro miingon nga ang angay buhaton sa pagkakaron mao ang massive testing niadtong mga dapit nga adunay daghang nagpositibo sa virus.

Gibutyag sab ni palapdan pa ang himuon nga contact-tracing sa mga tawong nakauban sa mga nagpositibo aron mabuwag sila sa kadaghanan ug dili makatakod.

“I will recommend for the extension because of the evidence that we are getting nga naay daghan na nga numbers nga nag positive sa mga depressed areas so we need to test more and conduct contact tracing so that we will be able to find out kung asa tong i-contain nato at asa tong i-recommend nato para sa extension sa ECQ for the after the deadline and asa tong atung buhaton para sa wala nay problema ang provinces,” matud pa ni Ferro.

Usa nga gitan-aw nga malampuson nga pag minus sa kaso mao ang pag isolate didto sa Barangay Luz tungod sa dinali-an nga pag-aksyon niini. Hinuon gipasabot ni Ferro nga ang adunay katungod sa pag-extend mao ang LGUs kay sila sa PNP igo lang morekomendar. /IBM (BANATNEWS)