190 ka stranded nga Sugboanon padalhan og hinabang

CEBU, Philippines — Mokabat sa 200 ka Sugboanon nga na-stranded ngadto sa ubang probinsiya ang hatagan sa Probinsiya sa Sugbo og pinansiyal nga hinabang.

Si Gobernador Gwendolyn Garcia nagkanayon nga nikabat na ngadto sa 190 ang verified nga impormasyon gikan sa mga ni-apply sa Stranded Cebuanos Assistance Center.

«Sabado ang earlier unya atong ipadala sa kwarta padala ug ma-informed mo kong asa ma-withdraw», matud ni Garcia.

Ang maong mga Sugboanon mao ang natanggong ngadto sa ubang probinsiya human nga gisirad-an sa Probinsiya sa Sugbo ang border niini gawas sa Isla sa Sugbo subay sa gipatuman nga enhanced community quarantine tungod sa coronavirus disease (covid-19).

Samtang sa Lungsod sa Sta. Fe, Isla sa Bantayan ang LGU nipadala usab kini og cash assistance ngadto sa mga Santafehanon nga na-stranded sa Sugbo.

Base sa facebook post sa mayor›s office sa Sta. Fe nga nikabat ngadto sa 126 ka taga Sta. Fe ang unang hugna sa mga indibidwal nga nakadawat sa P1,000 nga pinansiyal nga hinabang.

Sila ang nakapasar sa thorough investigation sa Ad-interim committee relative to the Program of the Municipality of Sta. Fe for stranded Santafehanons in Cebu, tipik sa post. /BDB (BANATNEWS)