Pulotan sa managbarkada nahimong negosyo

CEBU, Philippines — Ang kanhi pulotan sa magbarkada sa higayon nga sila maglingaw-lingaw ang gihimo na karon nga panginabuhian.

Kini human usab sila naapektahan sa coronavirus pandemic diin daghan kanila ang temporaryong nawagtangan og trabaho.

Ang dili mominus walo ka barkada nga taga Poblacion, Dakbayan sa Talisay ang kanunay magtapok ug dili nila isalikway ang sumsuman nga Pad Thai nga pagkaon sa Thailand.

Matud ni Yo Rosales nga nakahuna-huna sila sa pag-share sa social media sa ilang sumsuman ug pipila ka gutlo aduna nay ni-order.

Dul-an duha ka semana na silang nag-serve og pagkaon sulod lang sa dakbayan tungod kay maglisud sila paggawas tungod sa enhanced community quarantine.

Ang Pad Thai gibaligya nila sa tag P160 alang sa duha ka tawo ug aron adunay mapilian ang katawhan aduna na usab silay Nachos Fries ug Chicken Wings nga adunay lainlain nga klase sa pagluto.

Gitug-an ni Rosales nga nakatabang kanila ang pagnegosyo sa kanhi nila pulotan kay makapalit na man sila og bugas.

May Apps na sab sila nga Lalamoves nga modala sa ilang mga order.

Ang katawhan nga gusto motilaw sa maong pagkaon mahimo ra motawag sa 09177110373 o sa email address nga [email protected] o kaha sa FB nga YoStreetfood. /GMR (BANATNEWS)