Night market hangtud pa sa Marso
CEBU, Philippines – Lugwayan hangtud tibuok buwan sa Marso ang Night Market Bazaar sa dalan Colon sa Dakbayan sa Sugbo.
Kini ang gipahibawo ni Mayor Edgardo Labella aron sutaon kung makatuman bas a lagda ang mga manindahay.
"Karon ato unang ipadayon monthly basis. So that we will have enough time to observe the demeanor, their attitude," matud ni Labella.
Kini ang ikaduha nga higayon nga gilugwayan ni Labella ang night market nga nagsugod niadtong Disyembre ug kutob ra unta sa Enero 31.
Una na nga girekomendar ni City Market Administrator Jonil Matuguina nga hunungon na ang night market tungod sa mga reklamo ug mga paglapas nga naabot sa iyang opisina lakip ang pipila ka mga tindera nga gibaligya ang ilang mga luna sa kantidad nga P20,000. /GMR (BANAT NEWS)
- Latest
