Manholes gihabwaan sa basura
CEBU, Philippines – Gihabwaan sa taga Department of Engineering and Public Works sa Dakbayan sa Sugbo ang mga manholes nunot sa mga pagbaha.
Si Engineer Kenneth Carmelita Enriquez, pangulo sa DEPW, nibutyag nga labing minus 200 ka lugar ang ilang giila nga kanunay nga bahaan tungod sa basura sa mga kanal.
Ang gihabwaan nga mga manholes nahimutang sa Juana Osmeña St. sa Barangay Capitol Site diin nakuha ang 70 ka kilo nga basura.
"Grabe na atong activities sa declogging kay murag dugay na wa ka declogging. And gipang-rehab, gipang-restore nato after cleaning,” matud ni Enriquez.
Sumala pa niya nga dunay uban nga tuyoon pagtabon ang mga kanal nga duol sa ilang mga balay.
Ang DEPW ang nagpahigayon sa mga pagpanglimpyo hapit matag adlaw.
Gipasabut ni Enriquez nga kung ang mga establisemento ug kabalayan manglimpyo sa mga kanal sa ilang lugar bisan ka usa matag buwan daku na kini nga tabang sa tanan. /GMR (BANAT NEWS)
- Latest
