Missing gihapon sud sa 20 ka adlaw

CEBU, Philippines — Padayong gipangita sa kabanay ang gikataho nga missing person sa Lungsod sa Liloan sukad niadtong Enero 22, 2020.

Si Police Staff Master Sergeant Jayson Gayo sa Liloan Police Station niila sa maong lalaki nga wala na makita nga si Jolito Laurente, 35, taga Dakbayan sa Danao.

Giingong ulahi nga nakit-an ang maong lalaki sa Lungsod sa Liloan.

Sa pikas bahin si Police Staff Sergeant Benjamin Maglahos sa Naga City Police Station nibutyag nga nagpaabot sab sila sa kabanay sa wala pa hiilhing patay’ng lawas nga napalgang gibaatan ang baba ug nawong sa masking tape.

Ang maong patay’ng lawas giugkat sa bukiran nga bahin sa Dakbayan sa Naga. GMR (BANATNEWS)