30 Pinoy gikan Wuhan nakauli na sa Pilipinas

CEBU, Philippines — Nangabot na kagahapong adlawa ang 30 ka Pilipinong gikan sa Wuhan City diin unang natala ang novel coronavirus (2019 nCoV) naabot na sa Clark sa Pampanga kagahapon sa buntag sumala pa sa Department of Foreign Affairs. Sumala pa sa report sa Philstar.Com, ang abyon nagdala og 29 ka hamtong ug usa ka masuso. Una niini, 56 ka Pilipino ang gustong mamauli sa Pilipinas tungod sa maong hulga sa sakit didto apan sumala pa sa Department of the Interior and Local Government niadtong Sabado, kadtong mga Pilipinong dunay nakitang sintomas sa maong sakit dili apilon sa papaulion balik sa Pilipinas. 

Ang mga pasahero ug tanang sakop sa DFA nga nagkuha sa mga pasahero ipaubos diretso sa 14 ka adlaw nga quarantine sa Athlete’s Village sa New Clark City sa Tarlac.

Ang Japan, Australia ug Amerika una nang mi-evacuate sa ilang mga molupyo nga didto sa Wuhan tungatunga sa pagsulbong sa maong virus. 

Nunot sa maong hulga pabilin ang temporary ban sa mga biyahe sa China ug special administrative regions niini sama sa Hong Kong ug Macau.

Sa pagkakaron, aduna nay 267 ka persons under investigation (PUI) tungod sa nCoV dinhi sa Pilipinas. Gikan sa Wires/IBM