Poquita nabalik sa BFAR-7
CEBU, Philippines — Gitinguha sa nabalik nga director sa Bureau of Fisheries and Aquatic Resources 7 ang pagpalambo sa kahimtang sa pagpanginabuhi sa mga mananagat.
Si Allan Poquita, kanhi director sa BFAR-7 ug gibalhin sa ulohang buhatan dayun nabalhin sa Rehiyon 10 apan bag-ohay lang siya nabalik siya sa Rehiyon 7.
Matud ni Poquita nga dili lang ang pagpadaghan sa mga isda nga makuha sa mga mananagat sa kadagatan ang iyang tumong.
Nalakip sa mga giplano niya ang pagpangita og mga bag-ong pamaagi alang sa labing epektibo ug makanunayon nga suporta sa mga programa ni Agriculture Secretary William Dar nga “Masaganang Ani at Mataas na Kita.”
Gitataw ni Poquita nga ubos sa subli niyang pagdumala sa BFAR-7 maoy iyang himuon ang pagpausbaw usab sa kitaong salapi sa mga marginal fisherfolks.
“Together, we will devise strategies to effectively and efficiently attain our priority plans in support to the ‘New Thinking’ of Agriculture Secretary William Dar, the ‘Masaganang Ani at Mataas na Kita,’ that revolves around the eight paradigms aiming to improve fish production and boost fisheries enterprise,” matud ni Poquita.
Nalakip sab sa iyang mga plano ang pagpatuman sa mga nagkadaiyang proyekto sa pagpangisda sama sa paghimo og operational nga satellite hatcheries ug ingon pagdugang pa sa pagpatukod og mga satellite hatcheries project.
Gitan-aw usab ni Poquita ang pagbutang og seaweed nurseries sa matag lalawigan nga makamugna og high–value commodities. /GMR (BANATNEWS)
- Latest
