100 ipakasal sa Pag-IBIG nga libre
CEBU, Philippines – Moabot sa 100 ka magtiayon ang kaslon sa tinuig nga program sa PagIBIG Fund nga gitawag og “I Do, I Do, Libreng Kasalan ng Bayan” karong Pebrero 14.
Matud ni Engr. Sulpicio Villagas, area head sa South Central Visayas, nga 1,000 ka paresan ang target tibuok nasud nga makasal sa 11 ka lugar.
Sa Sugbo 100 ka gatus ang gikatakdang kaslon pinaagi ni Cebu City Mayor Edgardo Labella sa alas 3 sa hapon sa Fort San Pedro.
Gawas sa libreng kasal ug reception, mohatag sab ang PagIBIG og libreng wedding ring, bouquet, photo op ug dunay raffle sa pangkabuhayan package nga balor og P20,000 ingon man appliances.
Sa pagkutlo niining balita niabot na sa 95 ka paresan ang nag-edad og 25-anyos pataas ang nakaparehistro na ug nakatuman sa mga rekisitos. /GMR (BANAT NEWS)
- Latest
