Managsuong durugista ug laing usa sikop
CEBU, Philippines — Nikabat ngadto sa P600 mil ang balor sa shabu nga nasakmit gikan sa managsuong high value target sa Dakbayan sa Sugbo.
Ang mga suspetsado mao sila si Harris Francis, 40 ug Rowena Francis Bautista, 44, pulos nagpuyo sa Barangay Quiot, Dakbayan sa Sugbo.
Matud ni Police Captain Jonathan Dela Cerna, hepe sa Labangon Police Station nibutyag nga unang nadakpan mao si Rhaulito Llamedo, 28, taga Barangay Quiot kinsa giingong maoy suguon sa managsuon nga mohatud sa ilegal nga drugas.
Matud ni Dela Cerna nga kasagarang mopalit sa mga suspetsado mga drayber sa habal-habal. Nasakmit sa kapolisan gikan sa mga suspetsado ang 80 gramos nga shabu nga nibalor sa nahisgutang kantidad.
Giingong ang managsuong suspetsado makabaligya kini og 100 gramos nga shabu matag semana. /BDB (BANATNEWS)
- Latest