SFI mogasto sa pagpaayo sa mga tanum
CEBU, Philippines — Modonar ang Sinulog Foundation Inc., og kwarta sa pagpaayo sa mga kadaut nga nahimo human sa kalihukan sa Sinulog 2020.
Kini ang gitug-an ni Jojo Labella, ang executive director sa SFI, nga nahinabi sa Banat News. Matud ni Labella nga aduna silay after care nga maoy mosusi sa kadaut nga gibilin sa mga lugar sa Sinulog ilabi na sa mga tanum sa kadalanan ug uban pa. Sumala pa ni Labella nga aduna silay gigahin nga kantidad aron ipaayo sa mga nangadaut nga dili mominus sa P50 mil. Gitug-an ni Labella nga ila gyud tan-awon nga maayo ang mga kadaut ilabi na kadtong mga tanum nga natunob-tunoban sa mga tawo sa may Osmeña Boulevard bisan pa man og kini gialihan sa wala pa ang Fiesta Señior. /GMR (BANATNEWS)
- Latest