Mga insidente sa kawat ug lungkab sa Talisay nikunhod

CEBU, Philippines — Mga insidente sa kawat ug lungkab sa Dakbayan sa Talisay ang nikunhod sa kataposang quarter sa tuig 2019.

Kini maoy gibutyag ni Police Major Gerard Ace Pelare, hepe sa Talisay City Police Station.

Matud ni Pelare nga ang ilang agresibong operasyon batok sa ginadiling drugas ug presensiya sa kapolisan diha sa kadalanan sa siyudad ang hinungdan sa maong kalamboan.

Gibutyag ni Pelare nga ipadayon nila ang “Oplan Limpyo Talisay” karong tuiga diin ilang gilauman nga makaamgo na ang katawhan sa epekto sa ginadiling drugas. /BDB (BANATNEWS)